Þetta er blogg

Af hverju bloggaði enginn í gær?

Annars þá er ekkert mikið að gerast þessa dagana, bara vinna, borða, horfa á sjónvarpið og leika sér á netinu og svo þarf maður að setja einstöku sinnum í þvottavélina og uppþvottavélina og kaupa bensín. Annars þá er ekki mikið annað að gerast. Er á bakvakt þessa vikuna svo ég fer ekki mikið að kafa um helgina, en ætli maður reyni ekki bara að vera duglegur heima eða eitthvað.

RIP í bili

Þar sem Pálmi, Hjölli, Hlynur, Siggi og Haukur virðast ekki hafa tíma/áhuga á þessu þá höfum við Árni ákveðið í sameiningu að setja klúbbinn á hold um óákveðin tíma.

Fyrsti fundur

Loksins loksins komið að fyrsta kvöldi Morgans Kane, nú setjum við stefnuna á föstudaginn 7 apríl. Spilaður verður Texas hold´em hollywood style poker og verður fyrsti fundarstaður um leið kveðjustund á partýplace Jóa, þ.e. Skúlagatan.

En í næstu viku munum við hafa kick off fund nr 2 eitt hádegið, staður og stund með hann hefur ekki verið ákveðin, en þar munum við ræða þau mál sem enn eru útistandandi og þar eru staður og stund ekki til umræðu þar sem það liggur fyrir.

Morgan Kane

Nafnið rokkar - ekkert múður með það...

Hlynur

Við ætlum hér með að bjóða Hlyni að ganga í klúbinn ef hann vill.

Stofnfundur - fundargerð

Stofnfundur Pókerklúbbsins Morgan Kane var hófst kl. 12:15 á Hótel Holti.
Á fundinum sátu eftirfarandi: SÓG, JG, PP, ÁHH og HS (sem kom 20 mínútum of seint því hann fann ekki hótel holt og ráfaði um miðbæ Reykjavíkur í 20 mínútur þar til að hann gafst upp og settist upp í bílinn á ný og keyrði beinustu leið á hótelið, en hann ratar ekki nema keyrandi eða eftir þó nokkra áfenga drykki á þennan stað, nema hvort tveggja sé, en ekki hefur reynt á það enn).

Eitthvað var rætt um í 20 mínútur, en fundarritari hefur ekki hugmynd um hvað það var, þar sem hann var, eins og áður segir að mæla göturnar.

Þó var búið að ákveða að SÓG væri formaður klúbbsins og JG meðstjórnandi. Einnig ákvað stjórnin að ákveðinn aðili væri ræstitæknir og var þá hort ákaflega stíft á HS, en hann skildi ekki skilaboðin svo það er enn á huldu hver er ræstitæknir klúbbsins.
Gjaldkeri er HÞH.

Eftirfarandi bókanir voru teknar niður:

1. Klúbburinn er ekki fyrir konur og börn
2. Annaðhvort verður spilað í heimahúsi eða ekki og var ákveðið að það yrði ekki. HS og ÁHH ætla að finna staði til að spila á. Best ef hægt væri að finna bakherbergi á skemtistöðum til að spila á.
3. Spilað verður á Föstudögum
4. Jakkaföt eru skilyrði
5. Þetta er reyklaus klúbbur, þ.e. bannað verður að reykja á meðan spilað er, en það má eftir að spili lýkur (eftir miðnætti)

Eftirfarandi nöfn komu til umræðu um nafgift klúbbsins og voru greidd atkvæði um nöfnin og svo eftir stutta umræðu fékkst endanleg niðurstaða, en helst komu til greina nöfnin Morgan Kane og Johnny Cash (atkvæði eru innan sviga):

Þrumugosarnir (4), Morgan Kane(4), Pókerklúbbur Hjörleifs Sveinbjörnssonar (1), Snobbhænsn (1), Johnny Cash (3), Ring of Fire / Eldhringurinn (3), Hallbjörn Hjartarsson (0), Kúrekar Norðursins (1), Tango & Cash (2), THKHS (0), No bitzes (1), Greifinn af Monte Carlo (1), SS (2)

Eins og fram hefur komið þá var nafnið Morgan Kane valið.

Fundi var slitið kl. 13:30

Morgan Kane

Ég stimpla mig inn og get ekki sagt annað en ég sé sáttur með nafnið - þrátt fyrir að konan sagði ég væri eins og 10 ára strákur í þessum klúbbamálum..

Fundargerð

Hún kemur síðar, er að vinna núna og hef engann tíma í svoleiðis lagað núna. Og hananú.

Nýr klúbbur

Þetta er síða þar sem við munum halda utanum spilakvöld og aðrar uppákomur klúbbsins. Hittumst á Holtinu í hádeginu í dag og Hjölli mun koma með fundargerð.